现年57岁嘅张耀扬曾系电影系列《古惑仔》中扮演乌鸦同东星耀扬，霸气「大佬」形象深入民心。早年佢已经离开娱乐圈转战澳门发展赌业，并经常行善，旧年8月佢就同莫少聪、林国斌、张敏等人去到青藏高原嘅青海玉树，到贫困村落扶贫。

爱我啤酒︱57岁「乌鸦」张耀扬肌肉绽爆恤衫揽中女唱《谁令你心痴》再骚歌喉

虽然已经无再系娱圈打滚，但张耀扬一啲都无「松懈」，仍然keep住当年拍电影时嘅身形，甚至系有过之而无不及！上年9月佢就俾朋友「出卖」post出一张佢食住雪茄玩电话嘅型仔相，相中嘅佢戴住黑超chok爆，网民都大赞佢型到核爆！

日前，张耀扬再有一辑近照系微博上流传。身穿深蓝色条纹西装背心嘅佢浑身肌肉，几乎将背心里面嘅恤衫逼爆。佢亦无惧一头银发显老，由得佢自然生长，束起一条小马尾，佬味爆灯！之后抖音流出佢同一名女士合唱嘅片段，原来系耀扬早几日出席好朋友饭局「上海滩之夜」，兴之所至大展歌喉。

虽然未知佢有无再献唱《爱我别走》，但张耀扬左手搭住一名中女，合唱《谁令你心痴》，可惜片段啱啱录唔到张耀扬献唱，但都见到佢跟住音乐打拍子摇摆身体，睇嚟相当享受。

◆文章图片来源转自于网络

◆本号声明：如有侵权，请联系我们进行删除，小编只是内容的搬运工，如有错别字敬请谅。